លោក ទីវ តារារិទ្ធិ ដែលជាអ្នកជិះកង់ផ្សងព្រេងដ៏ល្បីល្បាញ ក្នុងបេសកកម្មមនុស្សធម៌ដើម្បីកុមារកម្ពុជា បានធ្វើមាតុភូមិនិវត្តន៍ត្រឡប់មកដល់ទឹកដីកំណើតវិញហើយ កាលពីថ្ងៃទី២២ ខែមិថុនា ឆ្នាំ២០២៦ ម្សិលមិញនេះ ក្រោយពីបានចំណាយពេលអស់ជាច្រើនខែ ជិះកង់ឆ្លងកាត់ទ្វីបធំៗចំនួន៣ លើពិភពលោក។

គួររំលឹកផងដែរថា បេសកកម្មនេះ បានចាប់ផ្តើមឡើងកាលពីថ្ងៃទី៦ ខែមិថុនា ឆ្នាំ២០២៤ ដោយលោក ទីវ តារារិទ្ធិ បានសម្រេចចិត្តចាកចេញពីចំណុចចាប់ផ្តើមនៅមន្ទីរពេទ្យកុមារអង្គរ ខេត្តសៀមរាប។ ក្នុងរយៈពេលកន្លងមកនេះ អ្នកជិះកង់វ័យ ៣៦ឆ្នាំរូបនេះ បានពុះពារគ្រប់ឧបសគ្គ បើកបរលើចម្ងាយផ្លូវដ៏វែងឆ្ងាយរហូតដល់ទៅជាង ៦ម៉ឺនគីឡូម៉ែត្រ ដោយឆ្លងកាត់ប្រទេសសរុបចំនួន ៤០ ទាំងនៅទ្វីបអាស៊ី ទ្វីបអឺរ៉ុប និងទ្វីបអាហ្វ្រិកខាងត្បូង។